Nove ressources pro le studio del germano

Qualque mense retro, quando io initiava studiar germano, io adoptava un approche traditional, i.e. me inscribeva a un curso in hall e postea io cercava videos tutorial in YouTube e manuales in Rete.

Toto ben, mais le differentias inter le methodo e le libros de texto utilisate per le inseniante de germano e le material invenite in Rete produceva un grande retardo de mi preparation pro le grande amonta de tempore necessari a seliger e adaptar le material trovate.

Ora io trovava nove ressources in Rete que va resolver iste problema: un optime curso (gratuite) de germano per le Deutsche Welle, que me permitte de attinger al varie certificationes de nivello linguistic con mi passo, e un systema a fonte aperte de cartas flash pro le memorisation de vocabulos, pronunciationes, phrases etc. appellate Anki.

Le prime resultatos esseva multo incoragiante.

Le triangulo de Gnoli revisitate

Totes le conlangers cognosce le triangulo de Gnoli, visualisation schematic del methodo de classification del Linguages Construite "per finalitates". Plure cognosce anque le visualisation proponite per Raymond Brown e fundate super le Triangulo de Maxwell:

Le mesme R. Brown regretta le figura esse tro confuse pro esser utilisabile, assi io pensava de facer cosa utile con semplificar e render plus nitide le figura:

Le figura original, plus magne, con mi observationes re su empleo e le varie methodos de classification de LCs, essera publicate proximemente in le Turre de Babel.

Projectos - actualisation

Quia mi situation e le tempore a disposition es mutate, io ha ponite a parte le designo de un artlang celtic-romanic, e ora io ha iste prioritates:

1. Studio del Germano;
2. Crear un grammatica de Neo (le LCAux de Arturo Alfandari) scribite in Interlingua e promover lo in Rete;
3. Reorganisar e integrar le parte general de mi sito Turre de Babel;
4. Verificar le possibilitate de utilisar Latino como lingua litterari pro mi creationes.
5. Completar le "Grammatica de Interlingua pro italianos" (vide le sito de Interlingua Italia)

Ancora un altere definition de Conlang

Interea io es reorganisante mi vetule sito Turre de Babel, e hodie io sentiva le necessitate logic de anteponer al section "Linguages Construite" un definition de isto. Quia io es pigre, io non cercava in internet un definition prompte, mais io scribeva isto:

"Pro Linguage Construite, breviate LC, io intende un qualcunque linguage create - pro ita dicer - al tabula de labor per un o plus personas e que pote essere parlate. In function de iste definition debe esser considerate LC anque le linguas reconstruite o regolarisate como le Bahasa Indonesia o le Hebreo Moderne, e excludite le cifrarios, le linguages de gestos, le alphabetos secrete o technic, le linguages disguisate e le linguas creol o "pidjin" o franc."

Boh, nihil excitante, sed al minus io plenava le falta logic

Definition de un Methodo

Secun mi habitude, antea de initiar io va definir le methodo general que io utilisara in mi projectos linguistic.

Le prime phase essera le definition del objectivos e del ressources del projecto. Postea, io analysara le solutiones existente e, si necessari, essayara de assemblar o modificar un conlang apte a mi finalitate.

Finalmente io effectuara alcun tests, deinde io va examinar le resultatos. Le integre processo essera documentate in iste blog, dum le material producite (grammaticas, schemas, dictionarios, listas etc.) essera publicate sur mi altere sitos Le Turre de Babel e/o InterDict.

Un blog similar

Curiosemente, io ha reperite un altere blog que narra de aventuras linguistic, con plure articulos in/super interlingua! Le blog, multo ben facite es al adresse http://joyoflanguages.blogspot.it.

De non perder, etsi illo appare concludite.

Prime tres projectos

Presentemente io ha tres projectos in curso:

1. Studio del germano;
2. Designo de un artlang de inspiration celtic con un systema coherente de derivation del lexico (nomine provisori: Rem Isarnes);
3. Retrovamento in Rete de un conlang apte a scriber obras artistic, como romances o poesias.

Re le tertie projecto, post qualque essayo io discoperiva que interlingua es excellente pro scriber o parlar de questiones technic, mais non es multo apte pro le scriptura artistic, specialmente Poesia. In addition, si io non trovara le lingua/linguas que satisface mi necessitates, io debera crear tal lingua/linguas: assi forsan il es melior postponer le projecto 2 usque a quando io sapera si io debe crear o no tal lingua/linguas.

Le vitio de JRR Tolkien

Le vitio que le titulo del blog se refere es naturalmente lo de crear/modificar/studer linguas, natural e construite (CONLANGS), vivente e morite, real e imaginari, auxiliar (AUXLANGS) e artistic (ARTLANGS), public e secrete. Io debe admitter que iste vitio me seque desde plus que 50 annos, sed io ora vole facer "outing" e narrar mi placeres occulte. Lo facera in interlingua (de IALA), que es un lingua international multo conveniente pro textos technic.

Si vos ama le linguas de omne tempore e typo, io opina que iste blog vos placera.

robocap